Nasa 57 pidaso nin pigtutubudang tulang kan tawo an narekober sa Taal Lake sa tolong magkakahiwalay na search and retrieval operation sa mga nawawarang sabungero.
Susog sa report ni Department of Justice (DOJ) Spokesperson Polo Martinez nakua an mga ini kan Nobyembre 6, 17, asin 18.
Magigiromdomang nagpoon an search and retrieval operation kan ibuyagyag ni Julie “Dondon” Patidongan na kinidap, ginadan asin tinapok sa Taal Lake an mga naireport na labi sa 100 nawawarang sabungero.
Mientrastanto, sinabi man kan DOJ na an mga tulang na nagsairarom sa DNA analysis an wara pang nagpahiling nin positibong tugma sa DNA sample kan pamilya kan mga nawawarang sabungero.
