LEGAZPI CITY – Pighahalat kan hepe kan Daraga Municipal Police Station an resulta kan isinagibong drug testing kan mga personahes kan hepatura kasuodma.
Segun ki PSupt. El Cid Roldan, nasa 52 na saiyang personahes an pigsairarom sa drug test sa PNP Crime Laboratory.
Posible suboot na ngunyan na semana ipaluwas an nasabing resulta asin kun may magpositibo man, otomatikong isasairarom an pulis sa imbestigasyon asin kukumpirmahon pa sa National Confirmatory Center sa Metro Manila.
Segun sa hepe, mas maray na malinig muna ninda an saindang hanay antes na magpautob nin ley huli sa parte man ini kan saindang cleansing.
Mientrastanto, dugang ni Roldan, padagos man liwat an saindang drug clearing operations sa mga barangay sa nasabing banwaan.
Aktibo man nin maray an mga Barangay Anti-Drug Abuse Council o BADAC kun saen dakol suboot an nag-aapply kan barangay drug clearing alagad segun sa opisyal, kaipuhan na iagi muna ini sa proseso asin dapat makapasar sa itinaong paramentro.
