LEGAZPI CITY- Mas hibaba an turn out kan enrollees ngunyan na taon sa provincia kan Sorsogon.
Segun ki Sorsogon Schools Division Office Division Superintendent Jose Doncillo sa intrevista kan Bombo Radyo Legazpi na nasa 47, 132 learners pa sana an nakakapag pa enroll para sa school year 2024-2025.
Harayo pa ini sa 51,000 enrollees na nairehistro kan nakalihis na taon.
Alagad sinabi kan opisyal na padagos pang mag-aakseptar nin transferees asin late enrollees an mga eskwelahan sa Sorsogon hasta sa ika-tulong semana kan Agosto.
Sinabi ni Doncillo na posibleng igwa pang mga eskwelahan na dae pa nakakapag encode kan saindang mga enrollment kaya pinaglalaoman na madudugangan pa an numero kan mga estudante sa provincia.
Marurumduman na an Sorsogon Schools Division an saro sa pinakadakulang city division sa Bicol na igwang nasasakop na nasa 83 na mga eskwelahan.
