LEGAZPI CITY—Nagpartisipar an nasa 51 kajovenesan gikan sa provincia kan Albay para sa Batang Pinoy 2025 na ginibo sa General Santos City.
Segun ki Schools Division Office Albay Spokesperson Froilan Tena, sa intrevista kan Bombo Radyo Legazpi, kabale sa mga pigpapartisiparan kan saindang mga delegado an arnis, badminton, cycling, pencak silat, kickboxing, boxing, dancesport, karate, aquatic (swimming) asin chess.
Sa presente an wara pa suboot sindang nareresibeng report na may naguno nang medalya an division of Albay alagad naghihingoa sinda na makakua nin medalya an mga ini.
Pigpapagiromdom man ni Tena sa mga saindang mga atleta na pagbutihan an saindang pag-training.
Nagpapasalamat man siya sa mga coaches kan mga joven asin school heads na padagos na nagtatabang sa pag-implementar kan mga school sports club.
Mientrastanto, an Batang Pinoy 2025 an nagpuon kan October 25 asin matatapos sa Oktubre 31, 2025.
