LEGAZPI CITY- Nag-abot sa 50 mga bagong body cameras an binakal kan lokal na gobyerno kan Virac sa Catanduanes asin pigturn over sa Philippine National Police.
Sa intrevista kan Bombo Radyo Legazpi kay Mayor Posoy Sarmiento, binakal an mga nasabing body cam gamit an pondo kan lokal na gobyerno na base naman sa rekomendasyon kan mismong PNP.
Dakula suboot an maitatabang kan mga body cameras ngani na mairekord kan PNP an saindang mga operasyon asin maibitaran na an mga nagkukwestiyon sa suboot insidente nin panlalaban o an mga akusasyon nin pagtatanom nin droga sa mga naarestar na suspek.
Bako sana suboot paborable para sa mga PNP personnels an nasabing ekipahes huli ta para naman ini sa mga residentes asin maging sa mga suspetsyadong pigsasairarom sa saindang operasyon.
Naglalaom an opisyal na makakatabang ini ngani na maasegurar na lehitimo asin wara nin ikahandal an publiko sa mga piglulunsar na operasyon kan PNP.
Napag-araman na an nasabing mga ekipahes an apwera pa sa naenot naman na pigpromesa kan PNP headquarters na itataong body cam sa mga pulis.
