Gadan an limang pulis mantang tulo an irido makalihis tambangan an tropa kan ng 2nd Provincial Mobile Force Company bandang alas-9:10 nin banggi sa Maguindanao Street, Brgy. Mother Poblacion.
Binisto an mga nagadan na sinda Patrolman Kenneth Perocho, Patrolman Al-Fatah Marohom, Patrolman Amil Bangsa, Patrolman Arsenal Sivih at Patrolman Sayed Ridwan.
Irido man sinda Police Lieutenant Alfred Gregory, Police Staff Sergeant Adam Kamarudin Kansi asin Patrolman Abubakar Lauban.
Basado sa report, pauli na kuta an mga pulis sa Camp Datu Akilan makalihis an saindang patrol kan pagbabadilon sinda kan dae pa nabibistong mga suspek.
Tulos na isinugod sa IPHO-Maguindanao an mga iridong pulis mantang dinara man digdi an mga binawian nin buhay.
Kabale sa mga tulos na aksyon kan mga otoridad an pag-secure sa lugar kan insidente, pag-alerto sa mga karatig na himpilan, asin pagsasagibo nin hot pursuit operations laban sa mga tumakas na suspek.
Padagos an imbestigasyon kan mga otoridad nganing maaydentipikar an pagkakakilanlan asin motibo kan mga salarin.
