LEGAZPI CITY – Napasakamot kan mga otoridad an limang perona kaibanan an tulong menor de edad sa ipigkondusir na anti-gambling operations sa Barangay San Rafael, San Pascual, Masbate.
An mga suspetasado an nabistong sinda Edmond Ello 21-anyos, Federico Bolotanoy 74-anyos asin an tulong dae na pinangaranan na menor de edad.
Mientrastanto, apwera sa limang naarestar, padagos pang pighahanap an duwang nakadulag na suspek.
Segun sa impormasyon, nagkondusir nin operasyon an San Pascual MPS sa pangengenotan ni SPO1 Michael Cipriano asin 5th Regional Public safety Batallion 1st Maneuver sa pangengenotan ni Police Inspector Collin Rama kun sain naabutan an mga suspek na iligal na nagbubulang.
Tulos man na dinara an mga naarestar na suspek sa hepatura kan san Pascual MPS para sa magkakanigong disposisyon.
Sa presente pighahanda na man an kasong isasangat kontra sa mga ini mantang an mga nadakop na menor de edad an nakatalaan na i-turn over sa DSWD.
