Gadan na kan maabutan kan mga bumbero an limang katawo sa sarong residential building sa Rigga, Kuwait makalihis na maabot kan kalayo an saindang pig-iistaran segun sa Gulf state’s fire brigade.
Segun ki Brigadier General Mohammed al-Gharib, tagapagtaram kan fire brigade, nagbungkaras an kalayo sa duwang apartment sa nasabing lugar.
Tulong lawas an nadukayan sa lugar kan insidente, mantang an duwa pa an nagadan sa saindang mga injuries sa ospital.
Dakol man na indibidwal an nairido, asin nagpatanid man an opisyal na pwedesir pang maglangkaw pa an numero kan mga nagadan huli sa sinapar na matinding paso sa saindang lawas.
Sa presente, nagkukundusir na nin sarong imbestigasyon an mga otoridad nganing maaraman an kawsa kan nasambitang kasulo.
