Gadan an siyam sa katawo sa nangyaring landslide sa Nepal.
Lima sa mga binawian nin buhay an mga magkakaparientes sa Malika village sa Gulmi district na natahuban nin mga daga asin gapo na nagrasay hali sa haraning bulod.
Kaiba sa mga nagadan an mag-agom, saindang manugang na babaye asin duwang makuapo.
Duwang katawo man an nagadan sa landslide sa Baglung district asin duwa pa sa Syangja districts.
Nangyari an landslide huli sa nagkapirang aldaw ng naieksperyensyahan na makusog na pag-uran sa nasyun.
Huli sa insidente, nagkapira sa mga residentes na harani sa landslide prone areas an pina-ebakwar na muna mantang dae pa naghuhupa an mga pag-uran.
