Limang katawo an binawian nin buhay makalihis mahulog sa bangin an sarong police patrol vehicle sa Barangay Napangan, Misamis Occidental.
Nangyari an insidente kasuudma nin hapon, Pebrero 13, 2026.
Kaibanan sa mga nagadan an apat na pulis asin sarong empleyado nin Provincial Tourism Office.
Nakadesignar an patrol vehicle sa Misamis Occidental 2nd Provincial Mobile Force Company (PMFC) asin may lunad na nasa poco mas o menos sampulong indibidwak, kaibaan na an pitong miyembro kan Philippine National Police asin tulong tourism employees.
Basado sa inisyal na imbestigasyon na nagseserbing security escort an grupo para sa mga organizer kan Binibining Pilipinas na nagbisita sa Lake Duminagat.
Mantang pigbabaybay an pababang parte kan tinampo sa Sitio Napangan, nawaran suboot nin kontrol an driver rason ngani na magdiretso sa gilid kan tinampo asin dagos na mahulog sa bangin.
Naidalagan man sa ospital an iba pang mga biktima alagad nagkapira sa mga ini an nasa kritikal pang kondisyon.
Nagpapadagos man ngunyan an imbetigasyon sa insidente.
