Gadan an limang katawo makalihis na paputokan kan mga pulis sa Kenya kan magbalo an mga ralihista na atakihon an Parliamento.
Kasuodma kan magsagibo nin pagdangog an parliament para sa pagpapasa sa ika-tolo asin huring pagbasa kan Finance bill na nagbubusol nin mas mahal na buwis para sa mga produkto asin serbisyo sa nasyun.
Ngani na mapugolan ini, rinibong mga ralihista an nagsakyada sa parliamento asin binalo na pugolan an pagpapasa kan bill.
Alagad hinarangan asin pinugolan ini kan mga pulis na naggamit nin tear gas asin water cannon.
Imbes na mag-atras, nagpadagos man giraray sa pag-atake an mga ralihista na nanggagapo asin nanunulo nin mga sakayan, rason nganing maggamit na nin badil an mga pulis.
Nasa 10 katawo an naireport na tinamaan nin bala, kung sain lima kaini an binawian na nin buhay.
Nasa 50 iba pa an nalugadan man, mantang kadakol an naireport na naarestar.
Sa ngunyan dae man giraray naghuhupa an tensyon sa Kenya kung sain kadakol na mga residentes an nangangapudan na magbaba na sa pwesto si Kenyan President William Ruto.
