Dai mababa sa limang barko an inatake sa Persian Gulf asin Strait of Hormuz makalihis suboot sakyadahon kan mga bangkang may darang mga pampasabog hale sa Iran an duwang fuel tanker sa kadagatang sakop kan Iraq, segun sa mga opisyales kan pantalan asin mga kompanya nin maritime security.
Nasulo an duwang tanker asin sarong tripulante an nagadan, mantang padagos an paghanap kan mga rescue team sa mga natatadang nawawara.
Segun sa mga report, kabale sa mga tinamaan na barko iyo an Safesea Vishnu asin Zefyros na parehong nagdadara nin gasolina hale sa Iraq.
Pigkokonsidera an insidente bilang paglala kan tensyon sa pagultanan kan Iran asin kan mga pwersa kan Estados Unidos asin Israel, kun saen sagkod sa 16 na barko an nadanyaran makalihis magpoon an mga pag-atake kan Pebrero 28.
Huli sa nagpapadagos na kariribokan sa Strait of Hormuz, na pig-aagihan kan haros quarter kan suplay nin langis sa kinaban, haros napondo na an shipping sa lugar.
Ini an nagin rason kan paglangkaw kan presyo kan krudo sa pangkinabang merkado, na nakaabot sa pinakahalangkaw na lebel poon kan 2022.
