LEGAZPI CITY – Pighayag kan pamayuhan kan Department of Social Worker and Development Regional Office 5 na pinatanidan na an mga miyembro kan 4Ps o an Pantawid Pamilyang Pilipino Program na likayan na maimbwelto sa anuman na klase nin pagsusugal.
Ini an katakod kan pinahigot na kampanya kan PNP kontra illegal gambling kun sain kadakol na an naarestar asin pighihiling na nagkapira sa mga ini an benipisyaryo kan nasambitan na programa.
Sa intrevista kan Bombo Radyo Legazpi ki Regional Director Arnel Garcia, enkaso man na maimbwelto an 4Ps members sa pagsusugal, dae man tulos ini hahalion sa programa asin tatawanan muna nin warning.
Pigsiyerto kan opisyal na maagi an gabos sa proseso ngani na dae man maapektaran an mga aki.
Kampante man ini an naipapasabot kan ahensya an gabos sa paagi kan ipigkokundusir na family development session kun sain pig-eeksplekar an mapadapit sa pag-uswag kan pamilya.
Mientrastanto, kun pauru-utro na suboot na maimbwelto sa iligal na aktibidad, wara nang magigibo an ahensya kundi halion ini sa nasambitan na programa.
