LEGAZPI CITY-Nasa 49 katawo an gadan huli sa labing pagkapaha sa sarong liblib na distrito kan Sahara Dessert sa Niger district.
Ini makalihis na maraot an truck na nagta-transport nin tubig sa nabanggit na lugar.
Segun kay gobernador Agadez sa sarong post, na kaiba sa mga nagadan, iyo an sarong grupo na nagbalik gikan sa Mali para sa pag-selebrar kan mga Muslim alagad naubusan nin suplay nin tubig.
An nabanggit na lugar, labi sa 80 kilometro o (50 miles) an distansya sa Assamaka, na pigkokonsiderang pangenot na agihan sa pagultanan kan Niger asin Algeria alagad harni sa Mali frontier.
Huli sa kawaran nin suplay kan tubig asin warang maayos na behikulo, na-stranded an mga manlalakbay sa tahaw kan peligrosong lugar sa distrito kun sain igwang matinding temperatura.
Siring man, duwa katawo an nakaligtas makalihis maglakaw nin labi 50 kilometro kun sain igwang suplay nin tubig hasta sa makaabot sinda sa Assamaka, kun saen inalerto an mga otoridad.
An nasabing disyerto, bisto bilang transit point para sa mga migranteng mawot makaabot hale sa African nations pasiring sa Europa, kun sain kadakol na an nagadan huli sa labing pagkapaha asin gutom.
