LEGAZPI CITY-Nairehistro an nasa 48 rockfall events sa Bulkang Mayon mantang presenteng nasa alert level 2 susog sa datos kan Philippine Institute of Volcanology and Seismology (Phivolcs).
Susog sa datos, sa ngonian natatakupan nin crater flow an bulkan, nagkakaigwa nin ground deformation, asin nagluluwas nin nasa 288 tonelada kan sulfur dioxide flux sa kada aldaw.
Dai man giraray pighahale an posibilidad kan biglaang pagtuga kan Bulkan, pagkakaigwa nin rockfall events, asin lahar flow enkaso may matinding paguuran.
Mientrastanto, mahigot man giraray na pinagbabawal an paglaog sa 6km permanent danger zone asin an paglaog sa extended danger zone.
Pigaabisuhan man an mga sasakyang panghimpapawid na ibitaran an paglupad sa ibabaw kan Bulkang Mayon.
