LEGAZPI CITY-Naglangkaw pa an numero kan mga indibidwal na kumpirmadong nawawara kasunod kan magnitude 7.8 na linog na tuminama sa Mindanao.
Segun sa Office of Civil Defense (OCD) Asec. Bernardo Rafaelito Alejandro IV, na nasa 33 katawo pa an nawawara asin padagos na pighahanap.
Haros doble ini kan nakaaging 17 na nawawara kan mga nakalihis na aldaw.
Padagos man suboot an pagluwas kan mga residentes ngani ireport na nawawara na an saindang mga paryentes poon kan mangyari an linog asin pigtutubodan na nakalubong an mga ini sa irarom kan mga nagaba na estraktura.
Nagsakat na man sa 688 katawo an kumpirmadong irido huli sa insidente.
Sa ngonian, padagos an paghanap sa mga nawawarang indibidwal mantang positibo pa man liwat an mga rescuers na mas dakol pang buhay an makukuwa, tulong aldaw makalihis an pagyugo.
Sa ngonian, nagpapadagos an clearing operations sa mga narumpag na edificio, na enot na pigdeterminaran na wara nang survivors o mga indibidwal.
