Dae mababa sa 46 Palestino an nagadan sa panibagong serye kan Israeli airstrikes sa Gaza ngonian na semana segun sa local health authorities.
Kabale sa mga nagadan an sarong mamamahayag asin sarong halangkaw na opisyal kan rescue services.
Pinuntirya kan mga pag-atake an mga lugar sa Khan Younis, Jabalia, asin Nuseirat.
Sa Jabalia, nagadan si Hassan Majdi Abu Warda, sarong lokal na mamamahayag, kaiba an pira sa saiyang pamilya makalihis tamaan an saindang harong.
Segun sa Hamas-run media office, uminabot na sa 220 Palestinian journalists an nagadan sa Gaza poon pa kan Oktubre 2023.
Mantang sa Nuseirat, nagadan man si Ashraf Abu Nar, sarong senior official kan civil emergency service, kaiba an saiyang esposa.
Mientrastanto, kinumpirmar kan International Committee of the Red Cross (ICRC) na duwa sa saindang staff an nagadan man sa airstrike sa Khan Younis kan nakaaging Sabado.
Nangapodan an ICRC nin marikas na ceasefire asin ipigdoon liwat an pangangaipuhanang protektaran an mga sibilyan, humanitarian workers, asin medical personnel.
Enot nang sinabi kan Gaza media office na kontrolado na kan Israel an 77% ng Gaza Strip, kabale an mga ground forces, asin mga evacuation orders.
