LEGAZPI CITY- Labi-labing kaogmahan an namamatean ngonian kan saro sa mga propesor kan College of Law kan Aquinas University of Legazpi katakod kan dakol na volume kan passers sa November 2016 Bar Exam na gikan sa ekswelahan.
Sa ekslusibong intrevista kan Bombo Radyo ki Judge Arnulfo Cabredo, haros dae suboot ini makapanubod kan mahiling na 44 graduates kan unibersidad an puminasar sa bar na pinakaenot na bes man nangyari sa eskwelahan.
Segun sa huwes, dakulang bagay sa nasambit na resulta an pagdesider kan estudyante siring man an suportang ipigtatao digdi kan pamilya asin kan Kagurangnan mientras na giya sana an mga paratukdo sa akomplisyemento kaini.
Sa ibong na banda, dae nalingawan ni Cabredo na tawanan man nin kusog-boot na magpadagos sa ambisyon an mga dae nakaabot sa pighahagad na grado kan eksaminasyon.
Pwedesir na bako pa suboot ini an panahon na ipigtatagama kan Kagurangnan para sa mga nasambit na examinees.
Sa huri sinabi kaining an propesyon kan pagiging abogado an bako sana para sa sarong tawo kundi sa gabos na nagtatarabang-tabang para sa trayumpong ini.
