Gadan an 42 na mga Palestinians sa panibagong airstrikes kan Israel sa Gaza.
Segun kay Fadel Naem, director kan al-Ahli Hospital sa Gaza, hali an mga biktima sa Shati refugee camp asin norteng parte kan Gaza na pigtarget kan mga fighter jets kan Israel.
Sarong establishimento an tinamaan rason nganing magaba ini asin matahuban an mga Palestinians na nasa lugar.
Pigkakahandalan na madugangan pa an numero kan casualty lalo pang dakol pa an pinagtutubudang natahuban kan nagabang establishimento.
Inilunsar kan Israel an airstrikes sa ibong kan naging kasuguan kan United Nations na magkaigwa na nin ceasefire sa Gaza.
Sinuway man kan Israel maging an kasuguan kan World Court na nagsasabing dapat na pundohon na an pag-atake sa mga lugar kung sain nagtitinir an mga sibilyang Palestinians.
