LEGAZPI CITY – Gadan an sarong 41 anyos na persona makalihis na makuryente sa primerong banggi kan lamay kan ama kan saiyang live in partner sa Barangay Poblacion, Rapu-Rapu, Albay.
Segun ki Rapu Rapu Municipal Police Station Investigator, Police Master Sergeant Ruel Montas sa intrevista kan Bombo Radyo Legazpi na binisto an biktima na si alyas “Tony” asin aksidenteng nakuryente makalihis na mabugtak kuta nin ilaw pasiring sa tent kan saiyang namaaram na biyenan.
Susog sa saindang inisyal na imbestigasyon, dae na suboot nahalat kan biktima an pigpakuwa kaini na kagamitan kun kaya pigsagibo niya an pagtakod kan kuryente gamit sana an saiyang kamot.
Pwedesir man na makusog an boltahe kan kuryente nin huli ta dae man naibaba an breaker kan arong bago ini mag-takod nin ilaw.
Pigtaram pa ni Montas na pigtabangan pa kuta kan mother in law an biktima alagad ditan pang makasabay ini sa nakukuryente.
Pigporbaran pa kuta ining darahon an biktima sa hospital alagad pigdeklara na ining dead on arrival.
Huli digdi, nagpagirumdom an opisyal sa publiko na dae magbasang basang na mag-iro kan mga linya kan kuryente asin maghagad na sana nin tabang sa propesyonal nganing maibitaran an kaparehong insidente.
