LEGAZPI CITY — Pigrecognisar an apat na kapulisan kan Legazpi City Police na kusog buot na nagresponde sa pambabadil kan tandemm suspects sa chairman kan STL sa syudad kan Legazpi.
Nakaresibe an mga ini nin certificate, cash prize asin an enot na itinaong medalya ng Kadakilaan.
Nabisto an mga ini na sinda PO1 Alwyn Borja, PO1 Homer John Solano, PO2 Philip Bonanza, asin PO2 Carlo Villanueva.
Segun sa saro sa mga pulis na si Borja, dakula an saiyang pasasalamat na nagibo nindang makasalbar sa nasambitan na insidente asin hagad kaini na magin inspirasyon sa iba pang mga kapulisan na magin alisto sa gabos na oras.
Pag-istorya kaini, driver siya ni Police Supt. Nilo Berdin Jr., hepe kan Legazpi PNP asin kan mangyari an insidente, nagpapatrolya sinda asin nagpundo sa sarong mall sa syudad.
Makalihis suboot an nagkapirang minuto, nangyari na an baradilan asin an enot na naglaog sa isip niya, an nasambitan na hepe an target sa pambabadil kaya tulos siyang nagresponde.
Dakula man an pasasalamat ni Borja na wara nang iba pang nadamay sa nasambitan na insidente.
