LEGAZPI CITY-Maabot sa apat an gadan, 38 an nawawara, asin 23 an nakaligtas makalihis na maglubog an sarong ferry na KMP Tunu Pratama Jaya sa kadagatan harani sa isla kan Bali sa Indonesia.
Nasa 65 katawo an sakay kan ferry, kairiba an 53 na pasahero, 12 crew, asin 22 na behikulo, kan maglubog ini makalihis an haros 30 minutong biyahe poon sa Banyuwangi, East Java.
Padagos man an pigsasagibong search and rescue operations, liwat nadidifisilan an mga otoridad huli sa makukusog na alon asin paros.
Ang ferry, iyo an saro sa transportasyon sa Indonesia, alagad nagkakaigwa nin mga aksidente huli sa mga maluyang safety protocols asin overloading.
Magigirumduman na kan 2023, naglubog man an sarong sadit na ferry sa Sulawesi, na nagresulta sa pagkagadan nin dae mababa sa 15 katawo.
