LEGAZPI CITY — Nagpagirumdom ngonian an sarong pageant analyst sa Binibining Pilipinas 2018 candidates kun ano an dapat na tawanan-atensyon apat na aldaw antes an pig-aabangang Grand Coronation Night sa March 18 sa Smart Araneta Coliseum.
Sa intrevista kan Bombo Radyo Legazpi ki Missosology founder Ric Galvez, tolong bagay suboot an dapat na i-improve pa kan Binibinis kaibanan na an wit, beauty asin personality alagad pinakaangat suboot digdi an hudyan na nasambit.
Segun ki Galvez, dakula an impact kan personalidad sa pag-uli kan korona mantang tapos na man suboot an 1990s era na dakol an pignumbrahan na gana sa matibay o intelektuwal na pagsimbag sa ‘question and answer’ portion.
Sa ngonian kaya segun sa pageant analyst, ‘in will’, bukal sa kalooban asin bako peke o scripted an nakakakua kan ‘big yes’ o halangkaw na rating hale sa mga hurado.
Mientras tanto, kaipuhan man suboot na ma-sustain an magayon na personality hasta sa Miss Universe stage urog na saro ini sa pighihiling na kulang ki Miss Universe Philippines 2017 Rachel Peters sa nakaaging kompetisyon.
