LEGAZPI CITY – Saro sana si AKO-Bicol Party-list Rep. Rodel Batocabe sa 217 na kongresistang nagpabor sa death penalty bill ngane na maipasar sa ikatulo asin huring pagbasa sa Kamara.
Sa intrevista kan Bombo Radyo Legazpi sa nasabing kongresista, sinabi kaini na bilang saro sa principal author kan propuesto, nagboto siya nin ‘yes’.
Nilinaw man ni Batocabe an pigsasabi ni Albay 1st District Rep. Edcel Lagman na kaipuhan pa an 3-day notice puon kan maresibe an kopya kan propuesto antes an isasagibong pagbasa.
Segun ki Batocabe, dae na kaipuhan an siring na lakdang huli sa importante suboot digdi na nakaresibe nin kopya an mga kongresista.
Sinabi pa ni Batocabe na sarong beteranong lehislador si Lagman kun kaya aram kaini an pagmaniobra.
Dugang pa ni Batocabe, sa laog nin pirang bulan, paikot-ikot sana an debate ninda kun kaya pinundo na ini.
Pighayag man kan Bicolano representative na pighahalat ninda kun mauutob an enot ng sinabi ni House Speaker Pantaleon Alvarez dapit sa pagpapahali sa pwesto kan mga makontra sa death penalty bill.
