LEGAZPI CITY – Ikinondusir kan Commission on Election an 3rd Albay Provincial Joint Securtiy Control Center Meeting katakod kan nagdadangadang na 2025 Midterm Election.
Segun ki COMELEC Albay supervisor Atty. Ma. Aurea Bo-Bonao sa intrevista kan Bombo Radyo Legazpi na pigsapinal na ninda an mga deployment kan mga manlain-laing law enforcement agency nganing matawan nin seguridad an pag-abot kan mga balota, Automated Counting Machine, asin madeliver ini sa mga hubs.
Pigkompimar niya man na warang nasa red category na mga election hotspot an komisyon para sa provincia kan Albay asin warang posibilidad na may madudugang sa mga ini.
Warang patod man suboot sa mga ipigsasagibong mga training sa ibong kan huma kan wala-tuong brownout na naeeksperyensyahan kan provincia.
Paisi man kan opisyal sa mga gabos na aspirante sa local position na magkusa nang taranggalon an mga poster kaini na nakakabit sa mga bako otorisadong mga posting areas.
Kun talagang mawot kan mga aspirante nin maray na pagseserbi sa mga albayano, dae na suboot paghalaton na sinda pa an matanggal kan saindang mga poster.
Magsunod sana sa ipigbugtak na polisiya asin regulasyon kan komisyon mapadapit sa pagkampanya nganing maibitaran an pagkakahampang sa kaso asin disqualification.
Pagirumdom kaini sa mga incumbent official na magigin kandidato sa maabot na Marso 28 na dae paggamiton an resources kan gobierno para sa saindang pangangampanya.
