LEGAZPI CITY – Nasa 36 na bus an tinugutan na magbiyahe na sa Legazpi-Manila and vice versa puon sa Sabado, Mayo 22.
Segun ki Mayor Noel Rosal sa intrevista kan Bombo Radyo Legazpi, kan nakalihis na bulan pa kuta ini kaso naoktaba huli sa pagdakol kan COVID-19 cases na nairerehistro.
Duwa munang bus an maeenot na magbalik-biyahe sa Sabado, sarong aircon asin sarong ordinary bus.
Makalihis an maiden trip sa weekend, lilimitahan sa limang bus sa kada aldaw an mabiyahe.
Pagirumdom sana ni Rosal na dati man giraray an pamasahe na puon P800 hasta P1000 alagad nasa 24 oras antes an biyahe, makapa-book na.
Maghihigot kaya sa seguridad an bus terminal sa pagkakaag kan mga pasahero sa manifesto na isusumiter sa Parañaque Integrated Terminal Exchange.
Kun mahali sa Legazpi, nag-oofrecir man an ciudad nin P450 na kantidad kan antigen test asin kun haling Manila an biyahero, pigre-require an negative RT/PCR o antigen result.
Ipinakikiolay pa sa Inter-Agency Task Force kun pwede nang magbaba an mga pasahero na Oas o Polangui destinasyon asin dai na maghapit pa sa terminal.
Sa ngunyan kaya, point-to-point an instruction para sa mga biyahe mantang tutugutan man an pagbiyahe kan menor de edad basta may kaibanang adult.
