LEGAZPI CITY — Ipig-deploy na kan Police Regional Office Bicol (PRO5) an 345 bagong police officers sa mga mayor na provincial asin city police offices sa rehiyon ngane na madugangan an kusog kan PNP sa rehiyon sa 8,214.
Pinangenotan ni Senior Supt. Lito Pitallano, assistant regional director for administration kan Bicol PNP an send-off kan bagong mga pulis na may ranggong Police Officer 1 o PO1 na kumpwesto nin 120 babaye asin 225 lalaki.
Otomatiko na suboot na naidepoly an mga ini sa anum na ProvinciPO1al Police Offices (PPO), sarong City Police Office asin sa 5th Regional Public Safety Batallion (RPSB).
An 345 bagong PO1 an dugang sa 7,869 na pulis kan PNP sa Bicol.
Segun ki Pitallano, idinesegnar an 11 pulis sa 5th RPSB, 7 sa Albay PNP, 56 sa Camarines Norte PNP, 24 sa Camarines Sur PNP, 45 sa Catanduanes PNP, 50 sa Sorsogon PNP, 142 sa Masbate PNP asin 10 sa Naga City PNP.
An probinsya man nin Masbate an mas dakol na bagong pulis kumpara sa iba huli sa mas dakol suboot an kaipuhang masimbagang rekisitos sa lugar espesyalmente na sa pagpapakusog kan pwersa kan kapulisan.
An mga bagong pulis an nagsairarom man sa 12 bulan asin 45 aldaw na academic and field training sa manlaen-laeng aspeto kan police work.
