LEGAZPI CITY—Nakumpiskar kan mga otoridad kan Bato Municipal Police Station an maabot sa 32 na improvised cannons o ‘boga’ sa banwaan kan Bato sa probinsya nin Catanduanes.
Segun ki Police Staff Sergeant Renen Delos Reyes, an tagapagtaram kan Bato MPS, sa intrevista kan Bombo Radyo Legazpi, nakumpiskar ini sa may parte kan Barangay Cabugao asin sa sentro kan nasambitang banwaan.
Sinabi kan opisyal na an mga nakumpiskar na mga boga saindang irurungka para dae na liwat ining magamit pa.
Mientrastanto, dugang kan opisyal na imbes na boga—turutot na sana an gamiton sa pagpaparibok para maibitaran an ano man na peligro sa pagsabat kan Bagong Taon.
