LEGAZPI CITY-Arestado an sarong 31-anyos na indibidwal huli sa saiyang pagprobar na manghabon sa sarong grocery store sa Old Albay District Legazpi City.
Segun kay Police Master Sergeant Carlos Paña, sa intrevista kan Bombo Radyo Legazpi, na an suspek naglaog sa tindahan bandang alas 4:15 kan Agosto 21, kan nanotaran mismo kan supervisor na kahina-hinala ini kung sain igwa ining kinuwa sa display area kan grocery store.
Binisto an suspek na si alyas “totoy”, residente kan Barangay Baño Legazpi City asin nakuwa digdi an mga item na nagkakatindad nin P752.
Dai man suboot na-inquest an suspetsado huli sa warang special power attorney an grocery store kaya tulos man na napalaya ini.
Alagad sinabi ni Paña na posible pang masangatan nin kaso asin maarestar an suspek enkaso magprobar giraray sa salang gibo.
Nagdadag man suboot sinda nin 24 pang mga tropa sa luwas kan Legazpi, asin laoman na magigin dakulang tabang ini orog na igwang mga siring na insdente sa laog kan mga mall, ngani matakot an mga indibidwal na igwang maraot na intensiyon sa palibot kan ciudad.
