LEGAZPI CITY—Nagpartisipar an nasa 30 Micro, Small, and Medium Enterprises (MSMEs) sa taunang piggibo kan Department of Trade and Industry Masbate na “Urawa san Masbate Trade Fair 2025” sa sarong mall sa Legazpi City.
Segun ki DTI Masbate Trade Industry Development Specialist Khristine Orquita, sa intrevista kan Bombo Radyo Legazpi, ini an kun sain ipigdara ninda an mga produkto kan provincia pasiring sa mainland Bicol siring kan beef products, leather crafts asin iba pa.
Taunan ninda ining piggibo na nagpoon kan taong 2019 nganing ipagmalaki asin matabangan an mga saradit na negosyante na maipabakal asin mai-promote an saindang mga produkto.
Mientrastanto, padiit-diit na man suboot na nagbabalik an sagana kan saindang MSMEs makalihis an pangrarapado kan mga nakaaging bagyo sa nasabing provincia.
Afuera sa marketing assistance, padagos man an saindang pagbrewas nin livelihood programs asin product development para MSMEs kan saindang lugar.
Pig-imbitaran man ni Orquita na pwedesir makisumaro an namamanwaan sa nasabing aktibidad asin tangkilikon an sadiring lokal na produkto orog na an gikan sa isla provincia nin Masbate.
 participated in the annual "Urawa san Masbate Trade Fair 2025" organized by the Department of Trade and Industry Masbate at a mall in Legazpi City.){kind=link}