Uminabot na sa 30 katawo an nagadan sa nangyaring stampede sa Kumbh Mela festival sa India.
Dae man mababa sa 60 katawong iba pa an nairido sa insidente.
Susog sa mga opisyal na dae mababa sa 100 milyong katawo an nagpartisipar asin nagkarigos sa Hindu religious festival.
Sa inisyal na imbestigasyon kan mga otoridad rinungka kan mga tawo an nakaharang na barrier para makakarigos sa salog.
Nagpaabot man nin pakidumamay si Indian Prime Minister Narendra Modi sa mga kaanak kan nagadang biktima.
An nasambit na festival ipigkonsiderar bilang pinakadakula asin pinakamapayapang kaganapan kada taon.
Sa haros anom na semana uminabot na sa 400 milyong katawo an nagpartisipar sa Maha Kumbh Mela o festival of Sacred Pitcher sa gilid kan Prayagraj.
Ipignigar man kan mga kapulisan na nagkulang sinda sa pagtao nin seguridad huli ta nagbugtak man sinda nin mga security camera sa lugar.
