LEGAZPI CITY – Irereconocer asin tatawan nin pag-omaw kan probinsya kan Albay an mga local government units (LGUs) na matrayumpong nakapag-ambag sa blood donation activity kan nakalihis na taon.
Isinumite ni Board Member Howard Sim Imperial an nasabing resolusyon sa ika-32 Regular Session kan Sangguniang Palalawigan kan Albay kun saen inaprubaran man ini kan mga miyembro.
Pitong lugar an matatawan nin pagmidbid na kumpwesto kan syudad nin Tabaco, Legazpi, asin Ligao asin mga banwaan kan Manito, Camalig, Sto. Domingo asin Malilipot.
An tulong syudad kaiba na an banwaan kan Manito asin Camalig suboot an consistent sa pag-utob kan saindang target sa laog nin tulong taon o puon kan 2014 hasta 2016.
Igwa nin blood donation average na 124% an Tabaco City asin Legazpi City; 119% man an Ligao City; 106% an Sto. Domingo; nakakua man nin 108% an Malilipot; 100% an Manito asin may 103% an banwaan kan Camalig.
Segun sa mga nag-atendir na miyembro, kaipuhan na suportaran an nasabing rekomendasyon huli naman sa ipinahiling kan mga naunambitang lugar an saindang dakulang pagsuporta sa gobyerno kan probinsya.
