Gadan an tulong pulis makalihis magbanggaan an sarong motorsiklo asin sarong truck sa Lanao del Norte.
Nangyari an aksidente sa national highway sa Purok 2, Barangay Pigcarangan, ciudad kan Tubod bandang ala-1:50 kan maagahon kan Abril 18.
Sa report kan Police Regional Office 10, sakay kan motorsiklo an tulong pulis hale sa Barangay Poblacion, Tubod kan makabanggaan an sarong truck na may kargang mwebles pasiring Pagadian City.
An insidente an nagresulta sa malalang pisikal na pinsala sa driver kan motorsiklo asin sa saiyang duwang backriders.
Dinara an mga biktima sa Baroy Provincial Hospital alagad idineklara sindang dead on arrival.
Saro sa mga biktima an sarong 29-anyos na pulis na nakatalaga sa Lanao Del Norte Provincial Office 2nd Provincial Mobile Force Company.
Mientrastanto, an saro iyo an 31-anyos na pulis na nakatalaga sa banwaan kan Tagoloan, Misamis Oriental asin an pangtulong pulis an nakatalaga sa Tubod police.
