LEGAZPI CITY—Nagresulta sa pagkakaarestar kan tulong indibidwal asin pagsakyada sa sarong pigtutubudang drug den an ginibong gininong buy-bust operation sa Purok 4, Barangay San Roque, Daraga, Albay.
Segun ki Philippine Drug Enforcement Agency Bicol Public Information Officer Carlo Fernandez, sa intrevista kan Bombo Radyo Legazpi, nasa 12 gramos an nakumpiskar na pigtutubudang shabu hale sa mga suspek kun sain may standard value ini na P81,600.
Kabale sa mga naarestar si alyas “Mac”, 28-anyos, warang trabaho, pigkonsiderar na sarong drug den maintainer; alyas “George,” 56-anyos, sarong pintor; asin si alyas “Ralp”, 44-anyos, barbecue vendor asin sarong drug den visitor. An gabos na nasabing indibdiwal an pararaehong residente kan nasabing barangay.
Mahahamapang an tulong suspek sa kasong pagbalgar sa Sections 5, 6, 7, 11, 12, and 15 kan Article II of Republic Act 9165 o Comprehensive Dangerous Drugs Act of 2002.
Mientrastanto, mensahe kan opisyal sa publiko na makipagkoordinar sa saindang opisina en kaso may ipaabot na impormasyon mapadapit sa siring na aktibidad nganing mapuho na an ilegal na droga sa komunidad.
