Tulong koponan na an nakakuwa nin puwesto sa 2026 NBA Playoffs nagkapirang aldaw antes matapos an regular season.
Enot na nakalaog an defending champion asin presenteng top team na Oklahoma City Thunder.
Sinundan ini kan San Antonio Spurs na padagos na nagpapahiling nin pusog na pag-angat asin ika-tulo an Detroit Pistons na igwang pinakamagayon na record sa Eastern Conference.
Sa presente naghahanda na man an NBA para sa Play-In Tournament na nakatalaan sa Abril 14 hasta 17, kun sain maglalaban an mga koponan hali sa rank 7 hanggang 10 sa parehong conference para sa duwang huring playoff spots.
Nakatalaan an pagpupuon kan Playoffs sa Abril 18 asin madurar hasta sa huring semana kan Mayo 2026.
An Game 1 man kan NBA Finals an nakatalaan sa Hunyo 3.
Sa ibong na lado, kaibanan na sa playoff picture an Sacramento Kings, Utah Jazz, Brooklyn Nets, Indiana Pacers, asin Washington Wizards, anas nasa ibabang parte kan standings ngunyan na season.
