LEGAZPI CITY—Binisto kan Philippine Drug Enforcement Agency asin tinawan nin Balangay Seal of Excellence an tulong munisipyo kan provincia kan Albay sa ginibong Regional Oversight Committee on Barangay Drug-Clearing sa Legazpi City.
Segun ki PDEA Albay Provincial Director Noe Briguel, sa intrevista kan Bombo Radyo Legazpi, kabale sa mga nakaresibe kan Balangay Seal of Excellence an munisipyo kan Tiwi, Manito, asin Malinao.
Afuera digdi nasa 6 na barangay an idineklarang drug-cleared status, 225 barangay an retention drug cleared status, asin 20 barangay an idineklarang retention drug free status.
Alagad pagdoon kan opisyal na bako boot-sabihon na pang-habangbuhay na an pagigin drug-cleared kaya kada anom na bulan an ipig-validate kan Philippine National Police, PDEA, asin iba pang law enforcement agencies kun talagang naimatinir an pagigin drug-cleared kan mga naunambitang lugar.
Tinawan-doon kan opisyal na an award an pinakahalangkaw na pagbisto hale sa PDEA para sa mga local government units nganing marekognisar an saindang mga esfuersos sa kampanya kontra ilegal na droga.
Abiso man ni Briguel sa mga naggagamit nin ilegal na droga na pundohan na ini sa paagi kan manlaen-laeng rehabilitation program, siring man na i-report sa mga otoridad en kaso man may aram sa mga naiimbuelto digfi nganing matawan nin solusyon kan saindang ahensya.
