LEGAZPI CITY-Nairehistro kan Office of the Civil Defense (OCD) ngonian na aldaw na igwang 3 katawo an nawawara huli sa bagyong Crising asin habagat sa nacion
Segun kay OCD Administrator Rafaelito Alejandro IV na an 2 indibidwal na nawawara hale sa Antique na inanod suboot kan tubig-baha pasiring sa kadagatan mantang ini nagkakaturog sa saindang harong kan magapaw an baha na dara kan magagabat na paguuran.
An saro pang nawawara, hale sa Palawan kan magpasiring sa kadagatan dawa maraot an konsidyon kan panahon.
Sa presentem padagos an pagberipika kan ahensiya sa mga nairehistrong nawawarang indibidwal.
Mientrastanto, basado sa monitoring kan ahensiya, nasa 215,000 katawo hale sa 495 barangay an naapektaran kan maraot na panahon sa nacion asin kadaklan sa mga ini hale sa Negros Island Region asin sa Panay.
