LEGAZPI CITY—Irido an tulong indibidwal sa nangyaring salpukan kan duwang single na motorsiklo sa crossing kan Tramo road, Purok 2, Brgy. San Lorenzo, Tabaco City.
Segun ki Barangay San Lorenzo, Tabaco City, Kapitan Tophe Brutas, sa intrevista kan Bombo Radyo Legazpi, nagin marikas an pagpadalagan kan duwang behikulo kaya nagresulta ini sa sarong salpukan.
Nagsapar an nasabing tulong indibidwal nin mga lugad asin gasgas sa nagkapirang parte kan saindang lawas kun saen tulos man ining nirespondehan kan mga otoridad asin dinara sa ospital.
Dugang kan opisyal na sa presente nasa maray nang kamugtakan an mga nasambitang indibidwal.
Mientrastanto, ini na suboot an panduwang nairehistrong aksidente ngunyan na bulan kan Mayo sa naunambitang lugar.
Pangapudan man kaini sa mga motorista na pirmehang mag-ingat urog na kun mabiyahe nganing maibitaran an siring na insidente.
