LEGAZPI CITY- Irido an tulong katawo sa nangyaring banggaan nin motorsiklo asin tricycle sa Sitio Tico-Tico Barangay Homapon sa ciudad kan Legazpi.
Segun kay Legazpi City Police Station spokesperson Police Executive Master Sergeant Carlos Paña intrevista kan Bombo Radyo Legazpi na pigbalo kan driver kan tricycle na mag-overtake sa kasunudan na jeepney asin dae narisa an motorsiklo na kasabatan.
Ini an kawsa kan banggaan kan duwang behikulo.
Tulos man na narespondehan an mga driver kan mga behikulo asin sarong pasahero kan tricycle ngani na maidalagan sa ospital.
Segun ki Paña na under observation an mga irido sa hospital partikular na an driver kan motor nin huli ta nawaran ini nin malay pagkatapos kan banggaan.
Padagos an saindang pagirumdum na mag-ingat an gabos asin sumunod sa mga ley trapiko nganing dae na ini maabala o maantala sa saindang mga byahe.
