LEGAZPI CITY—Takdag sa kamot kan mga otoridad an tulong indibidwal sa ikinundusir na buy-bust operation sa Brgy. Mayngaran, Masbate City.
Segun ki Philippine Drug Enforcement Agency Bicol PIO Carlo Fernandez, sa intrevista kan Bombo Radyo Legazpi, binisto an suspetsado na sinda alyas “Pia”, 43-anyos, “Christian”, 32-anyos, sarong parasira, asin si alyas “Corazon.”
Napag-araman na dati nang naarestar an mag-agom na si alyas “Pia” asin alyas “Christian”.
Dugang ni Fernandez na an pig-arkilang harong kan mga suspetsado an piggagamit man bilang drug den.
Nakumpiskar digdi an haros 12 gramos nin pigtutubudang shabu asin may kantidad na P81,600.
Mientrastanto, sinabi kan opisyal na padagos man an operasyon kan mga kapulisan laban sa ilegal na droga.
