LEGAZPI CITY- Nakapwesto an sarong Bicol University graduate sa sampulong examinees na may pinakaharalangkaw na exam rating sa October 2019 Chemist Licensure Examination.
Nakaguno nin 88.20% rating si Querubin Padura Gapas na nasa ikapitong pwesto sa nasabing exam asin Rank 8 giraray sa Chemical Technician Licensure Examination sa rating na 89.50%.
Afuera ki Gapas, namayagpag man an BU graduates na sinda Christopher Mar sa 89.50% rating asin Quennie Marie Bañares sa 89.00% bilang 8th asin 9th place sa chemical technician licensure exam.
Susog sa anunsyo kan Professional Regulation Commission (PRC), nasa 457 sa 1,085 an nakapasar sa Chemist Licensure Examination mantang nasa 2,298 kan 2,834 na nagkua kan eksaminasyon sa Chemical Technician Licensure Examination an nakapasar.
Ikinondusir an eksaminasyon kan Board of Chemistry sa Manila, Cagayan De Oro asin Cebu ngonian na October 2019 sa pangengenot ninda Adoracion Resurreccion, Chairman kaibanan an mga miyembrong sinda Soledad Castañeda asin Ma. Theresa Cayton.
