Piglalaomang maabot sa 17 bagyo an posibleng maglaog o mabilog sa Philippine Area of Responsibility (PAR) puon Agosto ngunyan na 2025 sagkod sa Enero 2026.
Susog sa state weather bureau, nasa duwa sagkod sa tulong bagyo an posibleng maglaog ngunyan na bulan kan Agosto.
Sa Setyembre asin Oktubre, piglalaomang nasa duwa sagkod apat na bagyo an posibleng mabilog.
Sa Nobyembre, nasa duwa sagkod tulong bagyo mantang sa Disyembre nasa saro sagkod duwang bagyo an piglalaomang mabilog sa nacion.
Sa Enero 2026, posibleng wara sagkod sa saro an pwedesir mabilog bilang bagyo.
An pagkarkulo na ini kan state weather bureau an basado sa 186th Climate Outlook Forum kan ahensya kan Hulyo 29 kan presenteng taon.
