LEGAZPI CITY- Inarestar kan mga otoridad an tulong persona makalihis na magpalyar na bayadan an saindang bill sa pagtetenir sa sarong resort-hotel sa Guinobatan, Albay.
Segun sa impormasyon, inireklamo kan empleyado kan nasabing resort-hotel an mga suspek sa hepatura kan Guinobatan Municipal Police Station.
Nabisto an mga akusado na sinda alyas Lyn na residente kan Pasig City, alyas Mark na residente kan General Trias, Cavite asin alyas Mon na residente kan Lanao Del Sur.
Nagluwas sa inistal na imbestigasyon na nagpuon na mag-check in an tulo sa nasabing resort-hotel kan Hulyo 14, 2026.
An magdamlag na pagtetenir sana kuta an na-extend pa suboot asin naglipat pa an mga suspek sa mas dakulang kwarto kan mga nagsunod na aldaw.
Alagad kan singilon na an mga ini, nagpromesa na magbabayad alagad pighahalat pa suboot an pondo sa saindang bangko.
Nagpalyar an mga ini na mabayadan an saindang bill na uminabot na sa P108,728, na kumpwesto kan saindang mga inorder na pagkaon asin nagkapirang aldaw na pagtetenir sa nasabing resort-hotel.
