LEGAZPI CITY—Padagos an pigsasagibong search and retrieval operations kan mga otoridad sa sarong nawawarang aki sa nagtaob na waterbanca sa banwaan kan Aroroy, Masbate.
Magigiromdomang tolong indibidwal an kumpirmadong binawian nin buhay sa insidente asin presenteng nawawara an sarong 3-anyos na aki, makalihis na magtaob an nasabing behikulo huli sa “subasco” o darakulang hukol asin makusog na paros.
Segun ki Aroroy Municipal Disaster Risk Reduction Management Office Head Ronnie Atacador, sa intrevista kan Bombo Radyo Legazpi, katabang ninda an Philippine Coast Guard sa paghahanap sa nasabing banwaan asin iba pang kataid na lugar kun sain posibleng mahiling an hawak kan biktima.
Nakatalaan na man na maggamit nin helicopter nganing makatabang sa paghahanap sa nasabing indibidwal.
Mientrastanto, mahigot man na pig-abisuhan kan opisyal an saindang mga responders na magin alerto asin ipreparar an mga rescue assets en kaso may mga mairehistro nin siring na insidente urog na nagpapadagos na nakaka-eksperyensya nin raot nin panahon an saindang lugar.
