Sarong tres anyos na aking lalaki an binawian nin buhay makalihis na maligidan kan sarong road grader sa Barangay Umilig, Buenavista, Guimaras.
Basado sa report, nakalunad an biktima sa motorsiklo kan saiyang ama mantang nagbibiyahe sa sarong tinampo sa nasabing barangay.
Sa inisyal na imbestigasyon kan mga otoridad, nagpondo an mag-ama ngani na tawan nin agihan an nagdadangadang na road grader.
Sa dai piglalaoman na pangyayari, natikmakan kan ama an sarong bunga nin niyog, na naging rason para mawaran ini nin balanse asin natumba an motorsiklo.
Kan matumba, napaduman sa gilid kan tinampo an aki asin aksidenteng nabangga kan road grader.
Tulos ining idinalagan sa ospital alagad ipigdeklarar man na dead on arrival.
Kasong reckless imprudence resulting to homicide an hahampangon ngunyan kan driver kan road grader mantang nagpapadagos an imbestigasyon kan mga otoridad sa insidente.
