Gadan an nasa 29 katawo sa India makalihis na malason sa ininom na iligal na alak.
Segun sa mga otoridad, nangyari an insidente sa Tamil Nadu sa Kallakurichi district kung sain komon na an pagpapabakal nin mga iligal na alak na dae nag-agi sa tamang proseso asin wara nin magkakanigong permit.
Nasa 100 na katawo man an naospital kung sain nagkapira kaini an nasa kritikal na kondisyon kung kaya posibleng madugangan pa an mga binawian nin buhay.
Sa ngunyan naarestar na kan mga pulis an naggibo asin nagpabakal kan mga iligal na alak alagad dae pa man pigkukumpirma kung pira an mga suspek.
Napag-araman na ngani na makatipid asin maging mas makusog an sipa kan alak pighahaloan ini nin pesticide kan mga naggigibo, na delikadong maray sa mga mainom kaini.
