LEGAZPI CITY- Nakapagrehistro nin 286 rockfall sa bulkang Mayon sa nakalihis na magdamlag, basado sa minitoring kan Philippine Institute of Volcanology and Seismology.
Basado sa datos kan ahensya, nagkaigwa man nin walong pyroclastic density currents o uson.
Afuera digdi, na-monitor man an 57 volcanic earthquakes kaibanan na an 14 volcanic tremors na nagdurar nin tulong minuto hasta 80 minuto an lawig.
Padagos man na nahihiling an crater glow o banaag sa bulkan.
Sa presente nakataas man liwat an alert level 3 sa bulkang Mayon kaya padagos na pinagbabawal an paglaog sa 6km radius permanent danger zone huli sa hazards kaini.
