LEGAZPI CITY-Nakapagrehistro an Department of Health (DOH) nin kabilugang 28 kaso kan mga nairido huli sa paputok sa bilog na nacion ngonian na aldaw nin Kapaskuhan.
Sa abisong ipinaluwas kan ahensya, walong bagong kaso an nairehistro poon kan Disyembre 21 sagkod ngonian na aldaw (Disyembre 25).
Susog sa datos, 68 porsiyento kan mga biktima an edad 19-anyos pababa.
Kadaklan sa mga naputukan an kawsa kan mga paputok na gibo sa boga, 5-star asin triangle.
Pighikayat man kan Department of Health an publiko na tulos darahon sa ospital an mga biktimang naputukan asin magapod sa National Emergency Hotline na 911 para sa tulos na atensyong medikal.
Sinabi man kan ahensya na mas hababa liwat nin 50 porsiyento an numero kan mga kaso kumpara sa 58 firecracker-related injuries na nairehistro kan nakalihis na taon sa kaparehong aldaw.
An datos nagpoon sa 62 sentinel hospitals na pigbabantayan kan DOH.
Mientrastanto, mahaloy pa an pag-monitor kan ahensya hasta sa Enero 5, 2026, kasabay kan pangapudan na ibitaran na an paggamit kan paputok para sa mas ligtas na pagdiriwang kan bagong taon.
