LEGAZPI CITY- Nagtetenir na halangkaw an aktibidad kan bulkang Mayon.
Basado sa 24 oras na monitoring kan Philippine Institute of Volcanology and Seismology, nasukol an nasa 271 rockfall events asin sarong pyroclastic density current sa nasabing bulkan.
Afuera digdi, igwa man na walong volcanic earthquakes kaibanan na an limang 5 volcanic tremors na nagdurar nin 11 minuto hasta 36 minutos an lawig.
Nasa 2,032 tonelada man nin sulfur dioxide an ibinuga kan bulkan kan Hunyo 21, 2026.
Sa presente nagtetenir na nasa alert level 3 an Mayon volcano asin basado sa ahensya na wara pang nahihiling na indikasyon na posibleng ibaba an alerto kan bulkan.
