Nakapagrehistro an Philippine National Police (PNP) nin kabilugang 27 na kaso nin kadahasan sa election day.
Dakulang parte kaini an nairehistro sa Mindanao arug kan mga shooting incident asin mga pagsabog.
Sa Bangsamoro Autonomous Region in Muslim Mindanao (BARRM), tulong shooting incident an nangyari na sinundan nin tulong pagsabog.
Limang katawo man an nagadan huli sa mga election-related incident sa nasabing rehiyon.
Pirang mga shooting incident man an nairehistro sa iba pang parte kan nacion sa mismong aldaw kan pirilian.
Sa Negros Island Region, duwang katawo man an nagadan huli sa mga election-related incident mantang tig-sarong katawo an nagadan hale sa Zamboanga Peninsula asin Davao Region.
Sa kabilugan man kan implementasyon nin liqour ban, uminabot sa 232 katawo an naarestar.
Segun sa pulisya, uminabot sa 167,319 pulis an naideploy sa bilog na Pilipinas nganing syertuhong magin maayos, matuninong, asin ligtas an pirilian.
Ini an katampdad nin 71.19% nin kabilugang police force.
Kabale digdi an kabilugang 3,698 pulis na na-assign bilang special electoral board members sa Bangsamoro Region asin sa probinsya kan Abra.
 registered a total of 27 cases of violence on election day. Much of this was recorded in Mindanao such as shooting incidents and explosions.){kind=link}